ليلى عبد اللطيف: بصلي لياسمين عبد العزيز وأحمد العوضي عشان يرجعوا

علقت خبيرة التوقعات والأبراج ليلى عبد اللطيف، على الهجوم الذي تعرضت له عقب طلاق ياسمين عبد العزيز وأحمد العوضي بسبب تنبؤها بهذا الحدث قبل وقوعه بفترة، وذلك خلال لقائها في برنامج ET بالعربي.

وقالت ليلى عبد اللطيف: كذب المنجمون ولو صدقوا، أنا مش منجمة ولا ليا علاقة بعالم النجوم، أنا عندي إلهام وإحساس قوي لا أكثر ولا أقل، ومش عايزة قلبها ينجرح ولا قلبه لأنها شفافة وصادقة ورقيقة ودوغري معندهاش لف ودوران، وهو طيب ومن عيونه هنشوف إنه بيحبها.

وتابعت: ومعرفش كلامي هو اللي أخد ضجة أكتر من خبر الطلاق ليه؟، ولو كنت أعرف ياسمين عبد العزيز وأحمد العوضي كنت اتصلت بيهم وقولتلهم خلوا بالكم هيحصل حاجة وكنت وقفت جنبهم ومكنش يحصل طلاق.

وأضافت: أنا بصلي ليهم علشان يرجعوا وبتمنى يرجعوا لأنهم الاتنين كأنهم روح واحدة.

وأوضحت: بتمنى اجتمع بياسمين ولو سألتني على أي حاجة هجاوبها، أنا بتمنى ترجع لـ أحمد العوضي والشعب العربي كله بيحبهم وهما كأنهم روح واحدة، وأنا بصلي علشان يرجعوا لبعض وإن شاء الله ربنا يستجيب.